ድሕሪ ምርመራ ዝግበር ደገፍ

መንሽሮ ከም ዘለካ ምስ ተረጋገጸ ዝቕጽል መዓልታትን ሰሙናትን ውጥረትን ልዕሊ ዓቕምን ክኸውን ይኽእል እዩ።

ይፈልጥ እየ፡ ኣብኡ ጸኒሐ።

ኣብ መጀመርታ ኣብ ስንባደ ወይ ኣብ ምኽሓድ ምህላው ንቡር እዩ።

ፍርሒ፡ ሓዘን ... ከምኡ’ውን ሕርቃን ተሰሚዑኒ።

ገለ ሰባት ምድናስ ጥራይ እዩ ዝስምዖም።

ቅኑዕን ጌጋን ዝስምዓካ መንገዲ የለን።

ምናልባት ምትሕውዋስ ስምዒታት ክመጽእን ክኸይድን እዩ።

ሕክምና ቅድሚ ምጅማረይ መብዛሕትኡ ግዜ ረዳኢ ዘይብለይ ኮይኑ ይስምዓኒ ነይሩ።

እንታይ ከም ዝጽበ ስለ ዘይፈለጥኩ ብዛዕባ መጻኢ ተጨኒቐ።

ስለምንታይ ሕክምና ብኡንብኡ ክጅምር ዘይከኣለ?

መርመራታት ምግባርን ውጽኢት ምጽባይን ተስፋ ዘቑርጽ እዩ ነይሩ - ግዜ ምብኻን ኮይኑ ተሰሚዑኒ።

ኩሉ መንሽሮ ፍሉይ ስለዝኾነ ናይ ኩሉ ሰብ መደብ ሕክምና ዝተፈላለየ ክኸውን እዩ።

ሓካይመይ ነቲ ውጽኢት መርመራ ተጠቒሞም ንዓይ ጥራይ ዝኸውን ውጥን ፈጢሮምለይ።

ሓካይምካ እውን ከምኡ ክገብሩልካ እዮም።

ብተወሳኺ መርመራታት ምግባር፣ ውጥን ምውጻእን መደብ ምውጻእን ሕክምናኻ ዘሕልፎ ግዜ እቲ ሕክምና ክሳብ ክንደይ ጽቡቕ ስራሕ ከም ዝሰርሕ ክጸልዎ ከም ዘይብሉ ከረጋግጹልካ ይኽእሉ።

ሕክምና ክጅምር ኣብ እትጽበየሉ እዋን፡ ብዛዕባ መንሽሮ ዝያዳ ክትፈልጥ ትደሊ ትኸውን።

ንዓኻ ዝምጥን ሓበሬታ ኣበይ ከም ዝረክብ ንሓኪምካ ሕተቶ።

ስምዒታትካ ንቤተሰብካ፡ ፈተውትኻን እንታይ ከም እትሓልፎ ንዝርድኡ ሰባትን ምክፋል እውን ክሕግዘካ ይኽእል እዩ።

እንታይ ክጽበ ከም ዘለኒ ሕቶታት ምሕታት፡ ስምዒተይ ምግላጽን ገለ ጸቕጢ ንምፍዋስ ቅልጡፍ እግሪ ምጉዓዝን ኣብዚ ግዜ እዚ ንኽጻወሮ ሓጊዙኒ።

ብዝተፈላለየ መገዲ ክትጻወሮ ትኽእል ኢኻ። ሓገዝ ከም ዘሎ ክትፈልጥ ይግባእ።

ማሕበር መንሽሮ ካናዳ ክትኣምኖ እትኽእል ሓበሬታ ኣለዎ፡ ኣብ ቀረባ ገዛኻ ደገፍ ንምርካብ ክሕግዘካ ይኽእል።

ኣብ cancer.ca ተወከሱ ወይ ብ 1-888-939-3333 ደውሉልና።